Dunya xəbərləri

ABŞ-da 7 məhbus kütləvi davada ölüb

17:58 16-04-2018

ABŞ-da 7 məhbus kütləvi davada ölüb

ABŞ-da həbsxanada məhbuslar arasında kütləvi dava olub.

 

APA-nın xəbərinə görə, ABC telekanalına açıqlama verən "Lee Correctional İnstitute" cəzaçəkmə müəssisəsinin nümayəndəsi Ceffa Taylon bildirib ki, kütləvi dava bazar günü axşam saatlarından başlayıb, bazar ertəsi ştatın hüquq-mühafizə orqanlarının əməkdaşlarının köməyi ilə dayandırılıb.

 

Kütləvi dava nəticəsində 7 nəfər ölüb, 17 məhbus xəsarət alıb. Həbsxana əməkdaşları arasında zərərçəkən olmayıb.


Qeyd edək ki, sözügedən həbsxanada ağır cinayətlərə görə məhkum edilmiş 1,5 min məhbus saxlanılır.



© APA 2018