Dunya xəbərləri

Fransada qasırğa nəticəsində 1 nəfər ölüb, 26 nəfər xəsarət alıb - YENİLƏNİB

01:31 04-01-2018

Fransada qasırğa nəticəsində 1 nəfər ölüb, 26 nəfər xəsarət alıb - YENİLƏNİB

Fransada “Eleanor” qasırğası nəticəsində xəsarət alanların sayı 26 nəfərə çatıb.

 

APA-nın xəbərinə görə, bu barədə Fransa Daxili işlər nazirliyinin açıqlamasında bildirilir.

 

Bundan əvvəl 1 nəfərin öldüyü, 15 nəfərin yaralandığı bildirilirdi.

 

“Son məlumatlara əsasən, qasırğa nəticəsində 1 nəfər ölüb, 22 nəfər yüngül, 4 nəfər ağır yaralanıb”, məlumatda deyilir.

 

Hazırda ölkə ərazisində 35 min fərdi evin elektrik enerjisiz qaldığı bildirilir.

 

***

 

22:43

 

Fransada baş verən güclü qasırğa nəticəsində 1 nəfər ölüb, 15-i xəsarət alıb.

 

APA-nın RİA Novosti agentliyinə istinadən verdiyi xəbərə görə, Yuxarı Savoy departamentində xizəkçinin üzərinə ağac düşüb, onun həyatını xilas etmək mümkün olmayıb.

 

“Eleanor” adlı qasırğa nəticəsində xəsarət alanların sayı 15-ə çatıb, onlardan 4-ün vəziyyəti ağır kimi qiymətləndirilir. Güclü külək 200 min evi işıqsız qoyub. 



© APA 2018