Dunya xəbərləri

Türkiyənin Rusiyadan S-400 kompleksi alması ilə bağlı danışıqlar yekun mərhələdədir

17:49 21-04-2017

Türkiyənin Rusiyadan S-400 kompleksi alması ilə bağlı danışıqlar yekun mərhələdədir

"Rusiyadan S-400 zenit-raket kompleksi alınması ilə bağlı danışıqlar sonuncu mərhələdir".

 

APA-nın “Sinxua” agentliyinə istinadən verdiyi məlumata görə, bunu Türkiyənin müdafiə naziri Fikri İşıq deyib.

 

“Aydın məsələdir ki, Türkiyəyə raket hücumundan müdafiə sistemləri lazımdır, lakin NATO ölkələri belə sistemləri təklif etməyib. S-400 alınması ilə bağlı işlər sonuncu mərhələdədir. Lakin bu, o demək deyil ki, yekun sənəd sabah imzalanacaq”.

 

F. İşıqın sözlərinə görə, Türkiyə S-400-ü NATO müdafiə sistemlərinə daxil etmədən istifadə edəcək.



© APA 2017