Hərbi xəbərlər

Gürcüstanda hərbçilərin ingilis dili bilikləri Azərbaycanın hazırladığı testlərlə qiymətləndiriləcək

13:53 07-11-2017

Gürcüstanda hərbçilərin ingilis dili bilikləri Azərbaycanın hazırladığı testlərlə qiymətləndiriləcək

Gürcüstanda hərbçilərin ingilis dili üzrə bilikləri Azərbaycan tərəfinin hazırladığı pilot testlərlə qiymətləndiriləcək.
 

APA-nın yerli bürosunun xəbərinə görə, bu barədə Gürcüstan Müdafiə Nazirliyində Azərbaycan Müdafiə Nazirliyinin əməkdaşları, mayor Hidayət Xəlilov və Gülnur Almadova ilə keçirilən görüşdə bildirilib.


İlk mərhələdə Gürcüstan Silahlı Qüvvələrinin 30 hərbçisi Vaziani hərbi bazasında pilot testdən keçiriləcək.
 

Görüşün keçirilməsində məqsəd tərəfdaş ölkələr arasında NATO standartlarına uyğun olan STANAG 6001 ingilis dili testlərinin tətbiqində təcrübə mübadiləsi və əməkdaşlığın genişləndirilməsinə nail olmaqdır. 



© APA 2017