Hərbi xəbərlər

Müdafiə naziri: Silahlı Qüvvələr Ali Baş Komandanın hər bir əmrinin icrasına hazırdır və qadirdir

09:59 12-04-2018

Müdafiə naziri: Silahlı Qüvvələr Ali Baş Komandanın hər bir əmrinin icrasına hazırdır və qadirdir

Müdafiə naziri, general-polkovnik Zakir Həsənov aprelin 11-də keçirilən prezident seçkilərinin uğurla başa çatması və İlham Əliyevin növbəti dəfə inamlı qələbə qazanaraq Azərbaycan prezidenti vəzifəsinə yenidən seçilməsi münasibəti ilə ordunun şəxsi heyətini təbrik edib.

 

Müdafiə Nazirliyinin mətbuat xidmətindən APA-ya verilən məlumata görə, müdafiə naziri bildirib ki, Azərbaycan Ordusunun şəxsi heyəti seçkilərin səsverməsi prosesində böyük ruh yüksəkliyi ilə iştirak edib, ölkənin təhlükəsizliyi və demokratik inkişafı naminə doğru seçim edərək ən layiqli namizədə səs verib: 

"General-polkovnik Zakir Həsənov bir daha əmin edib ki, Azərbaycan Ordusunun şəxsi heyəti Vətənimizin keşiyində ayıq-sayıq dayanıb, torpaqlarımızın azad edilməsi və ərazi bütövlüyümüzün təmin olunması məqsədilə Silahlı Qüvvələrin Ali Baş Komandanının hər bir əmrinin icrasına hazırdır və qadirdir".

 



© APA 2018