İdman xəbərləri

Avropa Liqasında yarımfinal cütləri müəyyənləşib

15:29 21-04-2017

Avropa Liqasında yarımfinal cütləri müəyyənləşib

Bu gün Avropa Liqasında yarımfinal və final mərhələlərinin püşkatma mərasimi keçirilib.

 

Apasport.az saytının məlumatına görə, UEFA-nın İsveçrənin Nyon şəhərindəki mənzil qərargahında keçirilən tədbirdə öncə yarımfinal cütləri bəlli olub.

 

Avropanın ikinci dərəcəli klub turnirində mübarizəni davam etdirən 4 komanda iki cütlüyə bölünüb. “Ayaks” (Hollandiya) bu mərhələdə “Lion” (Fransa) ilə görüşəcək.

 

Digər cütdə isə “Selta” (İspaniya) ilə  “Mançester Yunayted” (İngiltərə) qarşılaşacaq.

 

Tədbirin sonunda final matçının nominal ev sahibi də müəyyənləşib. Püşk nəticəsində “Ayaks” – “Lion” cütünün qalibinin adı həlledici görüşdə birinci göstəriləcək.

 

Qeyd edək ki, yarımfinal mərhələsinin oyunları mayın 4-də və 11-də keçiriləcək. Turnirin final matçı mayın 24-də İsveçin paytaxtı Stokholmda yerləşən “Frends Arena”da olacaq.

 

Avropa Liqası

Yarımfinal

(4/11 may)

“Ayaks” (Hollandiya) - “Lion” (Fransa)

“Selta” (İspaniya) - “Mançester Yunayted” (İngiltərə)

 

Final

(24 may)

1-ci cütün qalibi – 2-ci cütün qalibi



© APA 2017