İdman xəbərləri

“Keşlə” I divizion təmsilçisinə qalib gəlib

17:48 11-01-2018

“Keşlə” I divizion təmsilçisinə qalib gəlib

2017/18 mövsümünün ikinci yarısına hazırlaşan “Keşlə” ilk yoxlama oyununu keçirib. Apasport.az saytının məlumatına görə, paytaxt təmsilçisi Yuri Maksimovun rəhbərliyi altında ilk sınağına İsmət Qayıbov adına Bakıxanov qəsəbə stadionunda çıxıb.

 

“Keşlə” I divizion təmsilçisi “Qaradağ Lökbatan”la üz-üzə gəlib. Maksimov bu qarşılaşmada baxışda olan futbolçuları da yoxlayıb.

 

Paytaxt klublarının görüşündə hesab ilk yarının sonlarında açılıb. Pərdis Fərcad-Azad 38-ci dəqiqədə “Qaradağ Lökbatan”ı məyus edib. İkinci hissədə Emin Mustafayevin bərabərlik qolu ilə I divizion klubu hesaba tarazlıq gətirsə də, məğlubiyyətdən qaça bilməyib.

 

Fasilədən sonra daha iki qol vuran Keşlənin eyniadlı klubu 3:1 hesablı qələbə qazanıb.

 

İkinci yarının ortalarında penaltini qola çevirən Əlibəy Məmmədli komandasını hesabda önə çıxarıb. Ardınca isə Məqsəd İsayev fərqi 2 topa çatdırıb.



© APA 2018