İdman xəbərləri

“Qarabağ”ın püşkatma mərasimində 18 rəqibi müəyyənləşib

11:06 13-07-2017

“Qarabağ”ın püşkatma mərasimində 18 rəqibi müəyyənləşib

Sabah Çempionlar Liqasında III təsnifat mərhələsinin püşkü atılacaq. Apasport.az saytının məlumatına görə, İsveçrənin Nyon şəhərində baş tutacaq tədbir Bakı vaxtı ilə saat 14:00-da başlayacaq.

 

Mərasimdə Azərbaycan çempionu “Qarabağ”ın da mümkün rəqibi bilinəcək.

 

II təsnifat mərhələsinin ilk görüşündə “Samtredia”nı (Gürcüstan) 5 cavabsız qolla üstələyən ağdamlıların tur adlaması heç kimdə şübhə doğurmur. Bu üzdən “Qarabağ” – “Samtredia” cütünün qalibi ilə düşəcək komanda və ya komandaları mümkün rəqib hesab etmək olar.

 

Püşkatmaya 47 klub qatılacaq. Bunlardan 13-ü mübarizəyə III təsnifat mərhələsindən başlayan klub, 34-ü isə əvvəlki raundun 17 cütüdü.

 

İki hissədən ibarət püşkatma mərasimində “Qarabağ” Çempionlar yolunda öz rəqibini tanıyacaq. Burada 20 iştirakçı – 3 klub və 17 cütlük olacaq.

 

Artıq onlar reytinqinə görə səbətlərə bölünüb. Cütlərin səpələnib-səpələnməməyi favoritin əmsalına görə müəyyənləşib.

 

“Qarabağ”ın əmsalı 10-cu olduğu üçün Azərbaycan və Gürcüstan çempionlarının yer aldığı cüt səpələnmişlər sırasındadı. Bu da nisbətən asan rəqib vəd edir. Mümkün rəqiblərdən ikisi mübarizəyə birbaşa qoşulan klub, 8-i isə cütlükdü.

 

Baxmayaraq ki, 18 səpələnməmiş arasında Rumıniya və Çexiya çempionları, müvafiq olaraq “Vitorul”la “Slaviya” da var. “Astana”, “Riyeka” və “Partizan”ın yer aldığı cütlər də ideal variant sayılmır.

 

Qeyri-çempionlar yolunda isə 10 klub 5 cütlük təşkil edəcək. Reytinqi yüksək olan ölkələrin çempionatında mükafat qazanan komandalar da püşkdən öncə 2 səbətə bölünüb.

 

Çempionlar Liqası

III təsnifat mərhələsi

 

Çempionlar yolu

 

Səpələnmişlər

“Olimpiakos” (Yunanıstan)

“Linfild” (Şimali İrlandiya) - “Seltik” (Şotlandiya) cütünün qalibi

“Jilina” (Slovakiya) - “Kopenhagen” (Danimarka) cütünün qalibi

“Hibernians” (Malta) - “Zalsburq” (Avstriya) cütünün qalibi

“Jalgiris” (Litva) – “Lüdoqorets” (Bolqarıstan) cütünün qalibi

BATE (Belarus) - “Alaskert” (Ermənistan) cütünün qalibi

“Mariehamn” (Finlandiya) - “Legiya” (Polşa) cütünün qalibi

APOEL (Kipr) - “Dudelanj” (Lüksemburq) cütünün qalibi

“Zrinski” (Bosniya və Herseqovina) - “Maribor” (Sloveniya) cütünün qalibi

“Qarabağ” (Azərbaycan) -“Samtredia” (Gürcüstan) cütünün qalibi

 

Səpələnməmişlər

“Malmö” (İsveç) - “Vardar” (Makedoniya) cütünün qalibi

“Spartak” (Latviya) - “Astana” (Qazaxıstan) cütünün qalibi

“Partizan” (Serbiya) - “Buduçnost” (Monteneqro) cütünün qalibi

“Riyeka” (Xorvatiya) - TNS (Uels) cütünün qalibi

“Dandalk” (İrlandiya) - “Rusenborq” (Norveç) cütünün qalibi

“Şerif” (Moldova) - “Kukesi” (Albaniya) cütünün qalibi

“Hapoel” (Beyer Şeva, İsrail) - “Honved” (Macarıstan) cütünün qalibi

“Slaviya” (Çexiya)

“Hafnarfyordur” (İslandiya) - “Vikinqur” (Farer adaları) cütünün qalibi

“Vitorul” (Rumıniya)

 

Qeyri-çempionlar yolu

 

Səpələnmişlər

“Dinamo” (Kiyev, Ukrayna)

“Ayaks” (Hollandiya)

“Viktoriya” (Çexiya)

MOİK (Rusiya)

“Brügge” (Belçika)

 

Səpələnməmişlər

“Styaua” (Rumıniya)

“Yanq Boyz” (İsveçrə)

“Nitsa” (Fransa)

“Başakşehər” (Türkiyə)

AEK (Yunanıstan)



© APA 2017