İdman xəbərləri

“Qəbələ” – “İnter” görüşünün tarixi dəyişdirilib

15:30 21-04-2017

“Qəbələ” – “İnter” görüşünün tarixi dəyişdirilib

Azərbaycan Premyer Liqasının XXVII turunun “Qəbələ” – “İnter” görüşünün tarixi dəyişdirilib. Apasport.az saytının məlumatına görə, Peşəkar Futbol Liqası matçın əvvəlcədən nəzərdə tutulduğu kimi aprelin 23-də deyil, ertəsi gün keçirilməsinə qərar verib.

 

Görüşün start fiti aprelin 24-də saat 14:30-da veriləcək və qarşılaşma "CBC Sport" kanalı vasitəsi ilə canlı yayımlanacaq.


Oyunun tarixinin dəyişdirilməsinə səbəb mükafatçıların medallarla təltif olunma ehtimalıdı. “Qəbələ” və “İnter” klubları mükafatçılar sırasındadırlar. Bu görüşün nəticəsindən asılı olaraq, komandalara medallar təqdim oluna bilər.


Azərbaycan Premyer Liqasının 2016/2017-ci illər mövsümünün qalibi olan “Qarabağ” klubuna da çempionluq və qızıl medallar XXVII turda veriləcək. Belə ki, “Qarabağ” mükafatlarına doğma meydanı olan “Azərsun Arena”da keçiriləcək “Sumqayıt”la görüşdən sonra qovuşacaq.



© APA 2017