İdman xəbərləri

Avroliqa: Azərbaycan voleybolçuları Albaniyaya məğlub olub

21:13 18-06-2017

Avroliqa: Azərbaycan voleybolçuları Albaniyaya məğlub olub

Bu gün kişi voleybolçular arasında Avropa Liqasında üçüncü turun oyunları keçirilir. Apasport.az saytının məlumatına görə, Makedoniyada keçirilən ilk mərhələnin A qrupunda yer alan millimiz növbəti matçında Albaniya millisi ilə üz-üzə gəlib.

 

İlk görüşdə Makedoniyaya 0:3, ikinci matçında isə İsveçə 2:3 hesabı ilə məğlub olan Fərid Cəlalovun yetirmələri ilk mərhələdəki sonuncu matçında Albaniyaya da uduzub. Yığmamızın gücü bu dəfə sadəcə 1 setə çatıb - 1:3.

 

Bununla da millimiz Makedoniyada keçirilmiş ilk mərhələdə bütün oyunlarından məğlubiyyətlə ayrılaraq sadəcə 1 xal toplamağı bacarıb.

 

Qrupdakı digər oyunda isə Makedoniya ilə İsveç qarşılaşacaqlar.

 

Qeyd edək ki, qrupun ikinci mərhələsinin oyunları 23-25 iyun tarixləri arasında Albaniyada keçiriləcək.

 

Avropa Liqası

III tur

 

Azərbaycan – Albaniya - 1:3 (22:25, 22:25, 25:17, 10:25)



© APA 2017