İdman xəbərləri

Voleybol üzrə Azərbaycan millisi reytinq cədvəlində geriləyib

10:19 09-08-2017

Voleybol üzrə Azərbaycan millisi reytinq cədvəlində geriləyib

Avropa Voleybol Konfederasiyası qadın komandaları arasında yeni reytinq cədvəlini açıqlayıb. Apasport.az saytının məlumatına görə, Azərbaycan və Gürcüstanın birgə ev sahibliyi edəcəyi qitə çempionatı ərəfəsində müəyyənləşən siyahı millimiz üçün heç də uğurlu alınmayıb.

 

Faiq Qarayevin yetirmələri 4 pillə geriləməklə, 16-cı yerə enib. Komandamızın aktivində 178 xalı var.

 

Avro-2017-dəki rəqiblərimizə gəlincə, Almaniya (270) da geriləyənlər sırasındadı. Onlar bir ölkəni özlərindən irəli buraxmaqla, 4-cü yerə eniblər. Polşa (234) 9-cu pillədəki mövqeyini qoruyubsa, Macarıstan vəziyyətini yaxşılaşdırıb. Aktivindəki xalını 188-ə çatdıran komanda yığmamızı arxada qoyub – 15-ci yer.

 

Siyahıya isə yenə Rusiya başçılıq edir. Onlar 292 xala malikdi. İkinci yerdə Serbiya (284), üçüncü pillədə İtaliya (278) qərarlaşıb.

 

Qeyd edək ki, 48 ölkənin yer aldığı siyahıda Ermənistan millisi yer almayıb. 



© APA 2017