İqtisadiyyat xəbərləri

“Şahdağ Turizm Mərkəzi” ötən ili 2 mln. manat mənfəətlə başa vurub

13:42 29-12-2017

“Şahdağ Turizm Mərkəzi” ötən ili 2 mln. manat mənfəətlə başa vurub

“Vergi uçotu ilə hesablama aparılarsa 13 441,7 min manat zərər yaransa da, büdcədən zərərin ödənilməsi məqsədi ilə ayrılan vəsait hesabına “Şahdağ Turizm Mərkəzi” QSC-nin 2016-cı ili əsas fəaliyyəti üzrə 1 805,2 min manat mənfəətlə başa vurduğu məlum olur”.

 

“APA-Economics” xəbər verir ki, bu barədə məlumat Hesablama Palatasının “Mədəniyyət və Turizm Nazirliyinin tabeliyində olan “Şahdağ Turizm Mərkəzi” QSC-nin 2016-cı il üzrə maliyyə-təsərrüfat fəaliyyəti əhatə olunmaqla 2017-ci ilin fevral ayının 1-dən mart ayının 16-sı tarixinədək maliyyə-təsərrüfat fəaliyyətinin təhlilinə dair hesabatında yer alıb.

 

Sənəddə qeyd olunub ki, Cəmiyyət üzrə 2016-cı ilin 31 dekabr tarixinə təqdim olunan məlumatlara əsasən satışın maya dəyərinin tərkibində ən yüksək çəkiyə əməyin ödənişi üzrə xərclər (37,7%) və amortizasiya ayırmaları (30,7%) təşkil edib. Qeyd olunur ki, əmək haqqı və sosial sığorta ayırmaları üzrə xərclər satışın maya dəyərində yüksək xüsusi çəkiyə malik olmaqla yanaşı, əsas fəaliyyət üzrə gəlirlərdən 1003,0 min manat (35,9%) çox olub.

 

Cəmiyyətin 2016-cı il 01 mart tarixinə kassasında pul qalığı olmayıb, mart-dekabr ayları ərzində əsas xidmətlərdən 2169,8 min manat, bankdakı hesablaşma hesabından isə 100,0 min manat olmaqla cəmi 2269,8 min manat pul vəsaiti mədaxil olunub, bundan 243,9 min manat əmək haqqına, 17,8 min manat malların alınmasına, 36,9 min manat işçilərin ezamiyyət xərclərinin ödənilməsinə, 22,2 min manat iş və xidmətlərin haqqının ödənilməsinə xərclənib, 17,5 min manat kassadan geri qaytarılıb, 1592,3 min manat vəsait isə bankdakı hesablaşma hesabına köçürülüb, 2017-ci il 01 yanvar tarixinə mərkəzi kassasında qalıq pul vəsaiti 339,0 min manat təşkil edib.

 

Hesabat ilində satışdan 3026,1 min manat və zərərin ödənilməsi üçün dövlət büdcəsindən 17991,4 min manat pul vəsaiti daxil olub, bundan 2105,1 min manatı ƏDV kimi büdcəyə, 6347,5 min manatı “Şahdağ” Qış-Yay Turizm Kompleksinin Müdiriyyətinin borcuna, 11571,7 min manat fəaliyyəti ilə bağlı mal (iş və xidmətlərin) alışına, 295,6 min manatı isə əsas vəsaitlərin əldə olunmasına yönəldilib və 01.01.2017-ci il tarixə qalıq pul vəsaitləri 697,6 min manat təşkil edib. 



© APA 2018