İqtisadiyyat xəbərləri

“YapıKredi Bank Azərbaycan”ın rəhbərliyində dəyişiklik olub

15:09 14-02-2018

 “YapıKredi Bank Azərbaycan”ın rəhbərliyində dəyişiklik olub

“YapıKredi Bank Azərbaycan”ın rəhbərliyində dəyişiklik olub.

 

"APA-Economics” xəbər verir ki, Teymuraz Əmirov bankın İdarə Heyətinə üzv seçilib. O, fevralın 13-dən yeni vəzifəsi icra etməyə başlayıb.

 

Bununla da, bankın İdarə Heyətinin üzvlərinin sayı 5-ə çatıb. Qeyd edək ki, T.Əmirov 1989-1994-cü illərdə Bakı Dövlət Universitetinin Hüquq fakültəsini bitirib. 2002-2003- cü illərdə Bakı Nəqliyyat-7 ATSC-də hüquqşünas vəzifəsində çalışıb. 2004-2008-ci illərdə  "Cred Agro" QBKT-də hüquq məsləhətçisi vəzifəsində işləyib. Peşəkar fəaliyyətinə "Yapı Kredi Bank Azərbaycan" da 2008-2009-cü illərdə hüquqşünas kimi başlayan T.Əmirov 2009-2018-ci illərdə bu bankda hüquq departamentinin müdiri olub.

 

 

Xatırladaq ki, fevralın 9-da bankın Müşahidə Şurasının üzvü Nazan Somer Özelgin Serkan Ülgenlə əvəz olunmuşdu.

 

Qeyd edək ki, hazırda bankın Müşahidə Şurasında 4 nəfər təmsil olunur. Bunlar Şuranın sədri Nikollo Ubertalli, üzvləri isə Patrik Jozef Şmit, Feza Tan və Serkan Ülgendir.



© APA 2018