İqtisadiyyat xəbərləri

Azərbaycanda sürətləndirilmiş elektron viza müraciəti 3 saata cavablandırılacaq

14:01 29-12-2017

Azərbaycanda sürətləndirilmiş elektron viza müraciəti 3 saata cavablandırılacaq

Milli Məclisin bu gün keçirilən plenar iclasında “Turizm haqqında” qanuna dəyişiklik layihəsi müzakirəyə çıxarılıb.  
 

“APA-Economics”in məlumatına görə, qanun layihəsi barədə Milli Məclisin Əmək və sosial siyasət komitəsinin sədri Hadı Rəcəbli məlumat verib. 

 

Onun sözlərinə görə, qanunun 7-1.6-cı maddəsinə "günü" sözündən sonra, “elektron vizanın sürətləndirilmiş qaydada alınması üçün müraciət edildikdə isə ən geci 3 saat" sözlərinin əlavə edilməsi təklif edilir. 

 

Yeni maddəyə əsasən, Azərbaycanda elektron vizanın sürətləndirilmiş qaydada alınması üçün müraciətə ən geci 3 saat ərzində baxılacaq.

 

Layihə I oxunuşda səsə qoyularaq qəbul edilib.



© APA 2018