Mədəniyyət xəbərləri

Akademik Milli Dram Teatrında “Manqurt” tamaşasının premyerası keçirilib

17:49 13-06-2018

Akademik Milli Dram Teatrında “Manqurt” tamaşasının premyerası keçirilib

Akademik Milli Dram Teatrının Abbas Mirzə Şərifzadə səhnəsində “Manqurt” tamaşasının premyerası keçirilib.

 

APA-nın məlumatına görə, premyerada Qırğızıstanın Azərbaycandakı səfiri, səfirliyinin əməkdaşları və digər qonaqları iştirak edib.

 

Çingiz Aytmatovun “Gün var əsrə bərabər” romanının motivləri əsasında hazırlanan səhnə əsərinin bədii rəhbəri Anar Babalı, rejissoru Mədəniyyət və İncəsənət Universitetinin diplomçusu İzamə Babayeva, rəssamı əməkdar mədəniyyət işçisi İlham Elxanoğludur.

 

Birhissəli epik rəvayət olan səhnə əsərində əməkdar artistlər Mehriban Xanlarova, Elşən Rüstəmov, aktyorlar Ramin Şıxəliyev, İmran Ali Qurban və Fərid Vəliyev iştirak edirlər.

 

Qeyd edək ki, bu il bir çox ölkələrdə böyük qırğız yazıçısı Çingiz Aytmatovun 90 illik yubileyi münasibəti ilə tədbirlər keçirilir.

 

 



© APA 2018