Mədəniyyət xəbərləri

Filarmoniyada dünya şedevr filmlərinin musiqiləri səslənəcək

18:16 27-12-2017

Filarmoniyada dünya şedevr filmlərinin musiqiləri səslənəcək

Dekabrın 28-də Azərbaycan Dövlət Akademik Filarmoniyasının səhnəsində Dünya azərbaycanlılarının həmrəyliyi gününə həsr olunmuş bayram konserti keçiriləcək. Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, konsertdə ilk dəfə olaraq Azərbaycan Dövlət Xalq çalğı alətləri orkestrinin ifasında populyar dünya şedevr filmlərinin musiqilər səslənəcək.

 

“Bir dəfə Amerikada”, “Zorro”, “Karib dənizinin quldurları”, “Şerlok Holms və Doktor Vatson”, “Taksi”, “Oyuncaq”, “Qayınana”, “Dədə Qorqud” kimi məşhur filmlərdən musiqilərlə yanaşı, müğənnilər Tural  Ağasıyev, Fəxri Kazım-Nicat, Lətifə Soyuöz və Tələt Hüseynov, eyni zamanda reper və rokerlərin ifasında mahnılar, Azərbaycan Dövlət Mahnı və Rəqs ansamblın solistləri əməkdar Artistlər Viktoriya Şahmuradova, Elnur Süleymanov, digər rəqqaslar Aydan Kamilova Ramin və Nigar Hüseynova və xor qrupunun ifasında rəngarəng nömrələr biri birini əvəz edəcək.

 

Qeyd edək ki, "APA Holding" konsertin informasiya dəstəkçisidir. 



© APA 2018