Mədəniyyət xəbərləri

Əbülfəs Qarayev: "Nazirlikdə yeni şöbələr formalaşıb, işçiləri qəbul etməyə başlayacağıq"

16:40 13-06-2018

Əbülfəs Qarayev:

"Mədəniyyət Nazirliyinin iki hissəyə bölünməsi öz-özlüyündə islahatdır. Hazırda nazirliyin qarşısında qoyulan tələblərdən irəli gələn kifayət qədər zəngin yeniliklər olacaq”

 

APA-nın məlumatına görə, bunu mədəniyyət naziri Əbülfəs Qarayev deyib. Nazir bildirib ki, xidmət şəbəkəsinə və regionlarda mədəniyyət ocaqlarının təkmilləşməsinə xüsusi önəm veriləcək:

 

“Eyni zamanda demək istərdim ki, nazirliyin daxilində də yeni şöbələr formalaşıb. Biz onun strukturunu bu gün təsdiq edərək işçiləri qəbul etməyə başlayacağıq. Müasir texnologiyalar, regionlarda mədəniyyət müəssisələrinin inkişafı, xalq yaradıcılığı və kreativ sənaye ilə bağlı şöbələr formalaşacaq. Bunlar hamısı yenilikdir və düşünürəm ki, müsbət nəticələrini verəcək”.

 



© APA 2018