Mədəniyyət xəbərləri

Prezident Dövlət Gənc Tamaşaçılar Teatrının 90 illiyinin qeyd olunması haqqında sərəncam imzalayıb

17:57 09-07-2018

Prezident Dövlət Gənc Tamaşaçılar Teatrının 90 illiyinin qeyd olunması haqqında sərəncam imzalayıb

Prezident İlham Əliyev Azərbaycan Dövlət Gənc Tamaşaçılar Teatrının 90 illiyinin qeyd olunması haqqında sərəncam imzalayıb.

 

APA-nın xəbərinə görə, sərəncamda qeyd olunub ki, 2018-ci ilin noyabr ayında Azərbaycan Dövlət Gənc Tamaşaçılar Teatrının yaradılmasının 90 illiyi tamam olur. Mütərəqqi ideyalı səhnə əsərləri ilə gənc nəslin bədii-estetik zövqünün formalaşmasında və yüksək əxlaqi-mənəvi dəyərlərin aşılanmasında mühüm rol oynayan Azərbaycan Dövlət Gənc Tamaşaçılar Teatrı Azərbaycanın teatr tarixində layiqli yer tutur.

 

Mədəniyyət Nazirliyinə Azərbaycan Dövlət Gənc Tamaşaçılar Teatrının 90 illik yubileyinə həsr olunmuş tədbirlər planını hazırlayıb həyata keçirmək tapşırılıb.

 

Nazirlər Kabineti sərəncamdan irəli gələn məsələləri həll etməlidir.



© APA 2018