Mədəniyyət xəbərləri

Heydər Əliyev Sarayında “Bakı Şansonu” adlı konsert proqramı keçiriləcək

12:02 27-11-2017

Heydər Əliyev Sarayında “Bakı Şansonu” adlı konsert proqramı keçiriləcək

Yanvarın 31-də Heydər Əliyev Sarayında “Bakı Şansonu” adlı konsert proqramı keçiriləcək.

 

Sarayın mətbuat xidmətindən APA-ya verilən məlumata görə,  konsertdə tanınmış şanson ifaçıları Fərhad Bakinskiy, Cəlal Abbasov, Ceyhun Bakinskiy, İlqar Sail, Şakir Mərdanov və Sabir Əhmədov iştirak edəcəklər.

 

Konsertdə tamaşaçılara yeni, maraqlı və fərqli proqram təqdim olunacaq. Müğənnilər konsertdə hər zaman populyarlığını saxlayan "Bakı şansonu" janrında mahnılarla yenidən bakılıları və şəhərimizin qonaqlarını sevindirəcəklər. 

 

Saat 19:00-da başlayacaq konsertin biletlərinin qiyməti 10-40 manat təşkil edir. Biletləri www.iticket.az saytından onlayn, şəhərin kassalarından və ASAN xidmət mərkəzlərindən, Gənclik və 28 Mall ticarət mərkəzlərindəki kassalardan əldə etmək olar. 

 

Qeyd edək ki, “APA Holding” konsertin informasiya dəstəkçisidir.



© APA 2018