Mədəniyyət xəbərləri

Qəbələdə “Veselo” festivalı keçiriləcək

12:37 04-12-2017

Qəbələdə “Veselo” festivalı keçiriləcək

2018-ci ilin yanvarın 4-11-dək Qəbələdə “Veselo” adlı festival keçiriləcək.

 

APA-nın məlumatına görə, festival Ukraynanın “CİTA” turizm şirkətinin “Kvartal 95” studiyası ilə birgə təşkil etdiyi müəllif layihəsidir.

 

Festivalın günorta proqramına müxtəlif idman turnirləri, əyləncəli müsabiqələr, rəqs master-klasları, “Nə? Harada? Nə vaxt?” klubunda intellektual batllar daxildir. Axşam proqramı isə konsertlər, kvestlər, karaoke, lətifələr müsabiqələrindən ibarətdir.

 

“Veselo” festivalı artıq 10 ildir keçirilir. Ötən festivalların qonaqları Valeri Meladze, Yelena Vaenqa, Vladimir Presnyakov, Natalya Podolskaya, Diana Arbenina, Lolota, Ani Lorak, Leonid Aqutin, Vera Brejneva, Tomas Anders və digər məşhur müğənnilər olub. 



© APA 2017